بسم الله الرحمن الرحيم

الحمد لله رب العالمين ان مدونتى رجعتلي تانى انا و الله مش مصدقة نفسي و فرحانة اوى و بجد منة صديقتى و شها

حلو اوى اوى انا كنت بكلمها من شوية و بعدين اتكلمنا عن المدونة بتاعتى و انى لم اعد اعرف الدخول عليها و بعد

انهاء المكالمة قررت ان أحاول و لو لمرة اخيرة استرجاعها و هاهي النتائج و الله الحمد لله واثقة انة خير و مش

زعلانة علي الفترة الكبيرة الي فاتت يلا قدر الله و ما شاء فعل بس عندى الكثير و الكثير من المفاجئات حدثت في الفترة

الماضية و اولها اننى ارتديت النقاب و ثانيها ان ربي رزقنى بصحبة صالحة و الله رزق و نعمة من ربنا مش عارفة انا

بجد استاهلهم اتمنى يارب و ثالث شئ هوة انى اتخرجت من الجامعة خلاص و اكيد في حاجات تانية كتير بس دية تقريبا

ابرزها و تانى هقول الحمد لله و شكرا بجد يا منة وشك حلو اوى

أعود من جديد

مضت فترة طويلة جدا أشتقت قيها الي المدونة ولكنى لم اشتاق الي التدوين لانى لا يمكننى ان اعيش بدون قلمى ولا

يمكننى ان أتخيل أن أخاصم هذه النوتة الرقيقة التى طالما حوت اسرارى ولم تغدر بي وتبوح بها لاحد.

لا أريد أن أطيل الحديث ولكن السبب الرئيسي لتلك الغيبة الطويلة كان والدى.انه لا يمانع أن اجلس علي الانترنت و

أقوم باعمالي الختلفة ولكنة يراعى مشاعر أخى العاشق للكمبيوتر وخصوصا لعبة تبيا التى لا احبزها ولا أحبة أن يلعبها.

ربنا يهديه لو يعرف اد ايه هيكون ندمة لما يفتكر كل لحظة بيضيعها عمره ما هيكون كدا.انة في الصف الثالث الثانوي

ولكنه يكرة المذاكرة جدا و كانه بينه وبينها تار كما يقولون ولا اعلم لماذا .ولكن سبحان الله ان النفس امارةه بالسوء

كما جاء في القران الكريم بالتحديد سورة يوسف

بسم الله الرحمن الرحيم (وما أبرىء نفسى ان النفس لامارة بالسوء الا ما رحم ربى ان ربي غفور رحيم)صدق الله العظيم.الايه 53

ربنا يهدية ويهدى لة نفسة

اللهم امين

نومك.........هروبك

النوم من وجهه نظري هروب من الحياة

كل لما تبقي مضايق تعقد كدة مع نفسك وتقول

يا تري هعمل اية... اية

يلا علي السرير وخلاص.

لماذا الهروب .. ..لماذا اليأس.. ..لماذا البكاء

مش عارفة بجد فية اية .لية الاحباط ده

يمكن علشان أنا خايفة من النتيجة

ولا يمكن علشان أنا مش عارفة أذاكر خالص.

ولا يمكن علشان بطلت احفظ قران

ولا فية حاجة تانية أنا مش عارفاها

بس والله أحسن حاجة في النوم بيهربنى من مواقف كتير

زي الاكل مثلا.

معلش يا ماما مش هاكل دلوقتى سبيني أنام من فضلك

بجد مش قادرة اعمل حاجة غير انى أنام

ماما عمالة تقولي يا بنتى انت مش وراكى غير النوم

هية تجارة...لو تجارة كنتى هتبقي تاجرة ممتازة

الاطفال أحباب الله

محدش يغير ومحدش يقول لية لان محدش حنين وعطوف زية

عارفة كلهم بيحبونى لو عايزنهم يحبوكوا اعملوا زية

بس للاسف مش كلة عندة السحر الي عندي

ماما بتعقد تقول البت حنان ديه حنينة اوي والكل بيحبها

وخصوصا الاطفال مش عارفة بتعملهم اية

هقولكم انا بعمل اية

حاجة بسيطة خالص

بصغر نفسى خالص معاهم وبشوف هما بيحبوا اية وبعملوا

بس مبعرفش اتصاحب علي الاولاد زى البنات

لان البنات بعرف اشتري ليهم هدايا كتيره

ولما بيجوا عندى بعقد ازوق فيهم

وكمان بشغلهم اغانى واخليهم يرقصوا ويهيصوا وهما عندي

انا فعلا بحب الاطفال جدا ومقدرش اتخيل حياتي من غيرهم

اسم علي مسمي لاني حنينة خالص

والله اختى الصغيرة يبختها بية

موقف لن انساه

بنت زى القمر

يارب اشوفها تانى

يوم 1/1/2008أنا شوفت بنت عمالة تعيط بس انا الحمد لله سكتها في دقيقة ووقفت تضحك
استغربت خالص سبحان الله انا متخيلتش اني كدة من اول لما اقول ليها مالك يا حبيبتى بتعيطى لية
وتحكيلي صحبتها و اقولها ولا يهمك ميجراش حاجة عادي متخفيش هتسكت وتهدى وتقف كمان تضحك مع اصحابها
والله بجد حاجة ليها العجب
انا الي بيفكرنى باليوم ده البنت الي حكتلي مش الي كانت بتعيط
والله قلبي تعلق بيها من لحظة لما شفتها من قبل لما حتى اروح اكلمها
مش عارفة ليه البنت دية بذات بحس ان صورتها في قلبي
دخلت أختي المدرسة و روحت البيت وصفت القمر الي طلع بالنهار لأمي
ماما كانت مستغربة اوي من تعلقي بالبنت الصغيرة دية
بعدها باسبوع ماما وصلت اختي المدرسة
رجعت بتقول انا شوفت البنت الي وصفتيها
قولتلها ازاي عرفتيها قالت انت تقريبا رسمتيها في لوحه لما وصفتيها

اد ايه الاطفال بريئة وجميلة
يا ريت الانسان يفضل كدة طول عمره

احلي حاجة في الدنيا انك تحب في الله

اليوم ده جميل و أجمل مافية اني حبيت وحده شوية زيادة عن اليوم الي قبلة

و كل يوم جديد بيكون احلي من اليوم الي قبلة لاني بكون بحبها اكتر

للاسف هيه مش حاسه اننا بحبها اوى كده

وديه حاجة بتفرحني ساعات وساعات كتيربتغضبنى

وبتخليني حاسة انها مقصره في حقي

بحبك اوي وانت تقريبا باستمرار علي بالي

دايما بحاول باجتهاد اني ابحث عن النقطة المشتركة بيننا

بكون صادقة النية و انا معاكي

وعمري ما بحاول بس افكر انى اشيل منك

علشان كدة بقول انا بجد زعلانه دلوقتى منك

وان مكنتيش عارفة لية هتزعلينى اكتر

البيت عندى كلة بيحبك من حبي ليكي

الكل مستغرب ليه دية بالذات

بقول دية ربنا راضى عنها

ويا بخت الي ربنا يرضى عنة ويحبة

كل الناس بتحبة

دية ربنا اختارهالي وأحسن من كدا مش هلائي

انا مكتفية اوى لو مفيش غيرها

والله النهاردة حصلت حاجة غريبه اوى

وحدة صحبتى بتتصل تعيد عليه وبعد كدا عاتبتني عتاب شديد اوى

قالت: انني كنت اتمني لو جلست معكي لبعض الوقت يوم الاثنين الماضي

انا بحبك بس للاسف انتي مش مقدرة دة

ليه لما بتكون أروي معاكي مبتشوفيش غيرها

هوه اصحابك الباقين ملهمش نصيب

بصراحة معرفتش ارد عليها

هقول اية

معلش دية ليها معزة خاصة في قلبي

بالتاكيد هتزعل مني وهصدمها وانا عرفة انها بتحبنى يعنى المفروض اكون اد الحب دة

هقولها دية روحي ومينفعش يكون للانسان روحين!هقول ايه

بجد مش عارفه اوفق بين أروي وباقي أصحابي

أروي :بصراحة كدا انت فيكى كل المواصفات التى اريدها في صديقتي

بس انا زعلانة منك خالص دلوقتى

مش عارفة الكلام الحلو ده وانا زعلانة

امال لو مش زعلانة هكتب اية

انا بعت لكى علي الايميل رسالة بتقول

كنت و الدنيا ضلمه بدعي ربنا بالنور والدليل

ربي استجاب دعوتي ورزقني ببنت الطويل

أروي الحبيبة الي نورها أغلي من شمس الاصيل

شاطرة ونبيهه و علمها ماء سلسبيل

بدعى ربنا يحفظها و يظلها يوم الحساب بظلة الظليل

يا رب تعجبك

دماغي خلاص هتنفجر

انا تعبانة اوي من نفسي

تقريبا طول الليل بفكر في حاجات كتيرة ومشتتة

مش عارفة اعمل ايه زهت خلاص

ادخل انام الساعة 12 اظل افكر حتي الساعة3

انا طبعي دايما كدا قلقة علي كل شييء

زعلانة اوي من نفسي لاني انقطعت عن الذهاب لمكتب تحقيظ القران

وكمان مش براجع في البيت بصوره منتظمة

!ينفع كدا

متوترة خالص بسبب الامتحانات

و اضافة علي التوتر ده الدكاترة كمان مش حاسين بينا و عمالين يوترونا زيادة

عماله افكر يا تر هعمل ايه في الاجازة وأقوم قايلة لنفسي هوة دة وقتة

هوة انت لسه امتحنتي

ادعولي ربنا يوفقني ويطمني

لاني عامله زي الصورة ديه

حركتها الدائمة عامله ذي توتري الدائم وكثرة تفكيري

وسقوط الماء بلا ارادة يمثل احساسىوهوعدم القدرةعلي التحكم في اموري

ادعولي كتير اوي

والله أنا حزينه أوي عليكم

أنا بجد مكنتش متخيله الماساه ديه ولا الخيبه الفظيعه التى وقع بها شباب المسلمين . الاخوان يؤذنوا في كل مكان تتخيله في الكلية ،ومع ذلك محدش بيروح يصلي في المسجد الا الاخوان هما بس الي ملتزمين

فين الشباب ؟! مش هتصدقوني الشباب الغلبان بتعنا في عقله وضعه كالاتي:الغالبية العظمي واقفين مع البنات

وبيضحكوا ومش علي بالهم حاجة

مجموعة أخري بتلعب كورة.

مجموعة بتتخانق علي حاجات تافهة.

.الباقي في المحاضرات أو في غرف النت بالكلية

أنا للاسف كنت متخيله ان ممكن يجى يوم ونقول المسجد ضيق أوي في الكلية.ولكن المسجد نفسه يتملي بالمصلين ولو مرة واحده

تتخيل العصر اذن وأنا كنت في محاضرة فاذا بشاب يستسمح الدكتور ليذهب للصلاة .أين الدكتور وباقي شباب الدفعة لماذا لم يذهبوا معه ؟
هيه المحاضرة أهم من الصلاة !.

لايبارك الله في عمل يلهي عن الصلاة

كان زمان علي عهد رسول الله كل الناس بتصلي في الجامع فكان ده شيىء عادي لكن دلوقتي لو حد راح يصلي في الجامع بيكون معروف بالنسبة للناس الي هوة عايش وسطهم وكأنه حالة شاذة

أنا قرأت حديث لو عرفه كل مسلم حق لانتابه شعور بالأسي علي نفسه و شعر بمدي تقصيره
في صحيح مسلم عن ابي هريره رضي الله عنة عن النبي (صلي الله عليه وسلم ) انه جاءة رجل أعمي ،فقال:يا رسول الله ، ليس لي قائد يقودني الي المسجد فهل لي من رخصة أن أصلي في بيتي ؟ فرخص له ثم دعاه فقال : ((هل تسمع النداء للصلاة؟)) قال:نعم ،قال : فأجب ))

وقال صلي الله عليه وسلم :((بين الرجل وبين الكفر و الشرك ترك الصلاة)).أخرجة الامام مسلم في صحيحة.

وقال صلي الله عليه وسلم)):العهد الذي بيننا وبينهم الصلاةفمن تركها فقد كفر)). أخرجة الامام أحمد وأهل السنن الاربع

انا بنت صحيح لكني بصلي الفروض كلها في جماعة في البيت مع أمي و أخواتي البنات
أمانة علي كل من يقرأ هذا ان يغير من نفسه ويغير كل من حوله .لان الصلاة عماد الدين ان صلحت صلح الدين كله

والله الموفق

لا اله الا الله محمد رسول الله

بسم الله الرحمن الرحيم

أنا بدأت بتسميه الله لأنني أول مرة بكتب علي المدونة وأريد العون والتوفيق من الله .والعنوان ينم عن شدة تديني وحبي لله عزوجل0

لم اجد ابلغ من كلمة التوحيد لابدأ بها كعنوان0

علي فكرة انا بحب ذكر الله ولو علم كل واحد منكم ما فيه من بركة لقضى عمره ذاكرا لله فى كل افعاله0

التحقت بكلية الاداب قسم الاعلام السنة الماضية وتواجهنى مشكلة طموحى الزائد

اطرق من أجلة كل باب لاعداد وبناء نفسى علمياٌ وعملياٌ ولقد حصلت بحمد الله السنة ا

الماضية على تقدير جيد - أتمني من الله ان يوفقني وأحقق كل أمنياتى

ولقد اخذت ثلاث دورات لغة انجليزية(3مستويات) في الاجازة الماضية و أجتزتهم ولله الحمد بتقدير امتياز، وتم ترشيحي بالفعل لحضور دوره الاعداد للتوفل0

من المؤكد أني عندي حاجات أكثر من ذلك اريد ان افعلها سوف انوة عنها فى حينها ان شاء الله 0

أنا من عادتى ان أكتب كل ما أريد فعله في نوته ولدي العديد من النوت التى اقسمها علي

أساس معين وانني حقا احب هذا النظام لما فيه من ترتيب و حفظ للافكار التى تاتى ببالي .وبالطبع بوفراستخدام الذاكرة لاهتمامات اخرى0

لقد أنعم الله عليا بحفظ عشرة أجزاء ونصف من القران الكريم و ما زلت أتابع حفظى للقران

واتمني من الله ان يتم نعمته عليا وأحفظ القران كاملا وهنا قد كشفت لكم عن احدي خططى التى لم أتمها بعد .

علي فكرة حفظ القران سهل جدا ولكنه يحتاج الي نية خالصه لوجة الله .لان هذا كتاب الله قد جعلة ميسرا لكل من حفظه و عمل به (اِن هو الا وحي يوحى) (ولقد يسرنا القراَن للذكر). فما أروع القران الذي ييسر الله حفظه علي الناس أجمعين علي اختلاف ثقافاتهم وجنسياتهم

.كنت اتمني لو كتبت المزيد والمزيد ولكن لضيق وقتى أكتفى بهذا القدر اليوم والى لقاء

قريب أستودعكم الله